سندھ کے شہر گھوٹکی میں سرحد تھانہ کی حدود گنگی کے قریب مسلح افراد کی فائرنگ سے 6 افراد ھلاک اور تین زخمی ہوگئے۔ پولیس کے مطابق مسلح افراد نے سرحد تھانے کی حدود کے گاوں مسکان ساوند میں مخالفین پرجدید اسلحے سے فائرنگ کی۔
جس میں امیر بخش، فیض محمد، شیر علی، نصیب ملک،عبدالرحمان اور علی رضا ھلاک جبکہ زخمیوں میں حبیب اللہ اور اربیلو شامل ہیں۔
پولیس کے مطابق فائرنگ کا واقعہ دو قبائل ساوند اور سندرانی کے درمیان تصادم کا شاخسانہ ہے۔ حملہ آور فائرنگ کے بعد فرار ہو گئے۔ فائرنگ کی اطلاع ملنے پر پولیس پہنچ گئی ہے۔
