شال ( مانیٹرنگ ڈیسک ) خیبر پختونخوا کے ضلع ڈیرہ اسماعیل خان کے علاقے درابن میں بم دھماکہ بلوچستان کی لیویز فورس کے چار اہلکاروں سمیت پانچ افراد ہلاک ہو گئے ۔
لیویز فورس کے مطابق چند روز پہلے ضلع پشین کے علاقے خانوزئی سے ایک ٹرک چوری ہوئی تھی جسے ڈیرہ اسماعیل خان میں برآمد کیا گیا تھا۔
ضلع پشین سے خانوزئی تھانے کے نائب رسالدار نور احمد کی قیادت میں
تین مزید اہلکار رشید زمان سپاہی، داؤد خان سپاہی ، بلال احمد سپاہی اور ٹرک ڈرائیور ٹرک وصول کرنے اور ملزمان کو گرفتار کرنے ڈیرہ اسماعیل خان گئے تھے۔ وہاں پہنچنے سے پہلے درابن کے علاقے میں لیویز فورس کے اہلکاروں کی گاڑی بم دھماکے کا نشانہ بن گئی اور پانچوں افراد ہلاک ہوگئے۔
