نصیر آباد،کیچ ( مانیٹرنگ ڈیسک ) بلوچستان ضلع نصیر آباد میں بم دھماکہ تین افراد زخمی ۔
تفصیلات کے مطابق نصیر آباد میں کٹوہر پل کے مقام پر سڑک کنارے نصب بم پھٹ گیا، جس کے زد میں آکر سڑک سے گزرنے والے کار سوار تین افراد زخمی ہوگئے ۔
زخمیوں کو ٹیچنگ ہسپتال ڈیرہ مراد جمالی منتقل کر دیا گیا۔ دھماکے سے گاڑی کو شدید نقصان پہنچا ہے۔
تاہم واقعہ کے محرکات تاحال معلوم نہیں ہوسکے ہیں ۔
ادھر ضلع کیچ کے مرکزی شہر تربت میں مسلح افراد نے پاکستانی فورسز کیمپ کو حملے میں نشانہ بنایا۔
ذرائع کے مطابق تربت کے علاقے آبسر میں پاکستانی فورسز اصغر گیٹ مین کیمپ کو نامعلوم مسلح افراد نے نشانہ بنایا ۔
علاقائی ذرائع کا کہنا ہے کہ حملے وقت فائرنگ اور دھماکوں کی آوازیں بھی سنیں گئی ، جبکہ فورسز کو نقصانات کا سامنا بھی رہا ہے۔
بم دھماکے اور کیمپ پر حملے کی ذمہداری کسی مسلح تنظیم نے قبول نہیں کی ہے ۔
