شال ( پریس ریلیز ) بلوچ اسٹوڈنٹس ایکشن کمیٹی کے ترجمان نے جاری بیان میں کہاہے کہ بی وائی سی کی طرف سے بلوچستان کتاب کاروان کے نام سے بلوچستان بھر میں کُتب میلوں کا سلسلہ جاری ہے۔ تنظیم کی جانب سے نئے سال کے آغاز کے موقع پر بلوچستان بھر میں کُتب میلوں کے انعقاد کا فیصلہ کیا گیا تھا۔ یہ کُتب میلے بلوچستان کتاب کاروان کے نام سے بلوچستان کے مختلف شہروں میں جاری ہیں۔
انھوں نے کہاہے کہ آج بروز 10 جنوری کوہلو، کراچی، ملیر، سیوی، شال اور اوستہ محمد میں کتب میلوں کا انعقاد کیا گیا۔ ان کُتب میلے طلباء و طالبات، سیاسی ءُ سماجی ادبی شخصیات سمیت عوام نے بڑی تعداد میں شرکت کر کے اپنے پسند کی کتابیں خریدیں۔
اسی طرح بلوچستان کتاب کاروان کے کُتب میلے کل بروز 11 جنوری سیوی، کراچی، ملیر، مستونگ، تونسہ، خاران اور کوہلو میں انعقاد کیا جائے گا۔
