کراچی گلشن اسکوائر سے اور نیول کالونی سے لاپتہ نوجوان بازیاب ہوگئے، ،پاکستانی فورسز نے نیشنل ڈیموکریٹک پارٹی (این ڈی پی) کے سینٹرل کمیٹی کے ممبر محراج شاد سکنہ آبسر تربت اور اس کے دوست دودا الہی سکنہ بلنگور ، گمشاد سکنہ مند اور مزمل بلوچ سکنہ پسنی بلوچستان نامی طالب علموں کوتین دن قبل حراست میں لیکر لاپتہ کردیا تھا بازیاب ہوگئے ہیں۔
آپ کو معلوم ہے جبری گمشدہ ہونے والے دودا الہی اور گمشاد اس سے قبل بھی لاپتہ ہوئے تھے۔ پہلی دفعہ انہیں سات جون 2022 کو کراچی کے علاقے مسکن چورنگی میں گھر پر چھاپہ مار کر لاپتہ کردیا گیا تھا 14 دن بعد بازیاب ہوئے تھے ۔
دوسری جانب کراچی سے کیچ مند کا رہائشی اسماعیل ولد ابراہیم سکنہ مند محلہ گوگ نامی رہائشی نوجوان بھی بازیاب ہواہے،
ان کے اہلخانہ کا کہنا تھا کہ وہ روڈ حادثہ میں موٹر سائیکل سے گر کر زخمی ہوا تھا اور علاج کی غرض سے کراچی گئے تھے ، جہاں فورسز نے نیول سے انھیں حراست میں لیکر جبری لاپتہ کردیا ۔
دوسری جانب مذکورہ نوجوانوں کی بازیابی کیلے بلوچ یکجہتی کمیٹی نے دودن کا الٹی میٹم دے رکھا تھا کہ وہ بازیاب نہیں ہوئے تھے وہ سخت احتجاج کرنے پر مجبور ہوں گے ۔
