میرجاوہ ( مانیٹرنگ ڈیسک ) مغربی بلوچستان کے شہر میرجاوہ میں عارضی طور پر امام جمعہ کے فرائض انجام دینے والے ’ دینی عالم ‘ پر نامعلوم افراد حملہ کرکے فرار ہوگئے۔
مقامی حکام نے اس واقعے کی تصدیق کی ہے۔ دزاپ ( زاھدان ) کے سرھنگ علی میر نے اس حوالے سے ایرانی میڈیا کو بتایا کہ پلیس کے ایمرجنسی سینٹر کو 110 پر ایک کال موصول ہوئی جس کے مطابق میرجاوہ کے اہل سنت کے عارضی امام جمعہ پر فجر کے وقت اس وقت حملہ کیا گیا جب وہ شھرستان کے جامع مسجد سے باہر آ رہے تھے ۔ پولیس کو اس واقعے کی تفتیش کا حکم دیا گیا ہے۔
انھوں نے کہا تاحال واقعے کے محرکات معلوم نہیں ہوسکے ہیں پولیس فائرنگ کے اس واقعے کے ملزمان کی شناخت اور گرفتاری کے لیے اپنی بھرپور طاقت استعمال کر رہی ہے۔ اس واقعے کی مکمل تفصیلات سے جلد ہی آگاہ کیا جائے گا۔
