ڈیرہ بگٹی ( مانیٹرنگ ڈیسک ) بلوچستان کے ضلع ڈیرہ بگٹی سے پاکستانی فورسز نے ایک شخص کو حراست میں لے کر لاپتہ کردیا ۔
لاپتہ ہونے والے شخص کی شناخت دوستین ولد شاہ مراد بگٹی کے نام سے ہوا ہے۔
ذرائع کے مطابق مذکورہ شخص کو پاکستانی فورسز نے گذشتہ روز سوئی میں واقع ان کے گھر سے حراست میں لے کر لاپتہ کردیا ہے جس کے بعد سے وہ لاپتہ ہیں۔
دریں اثناء پاکستانی فورسز ہاتھوں طالب علم جاوید بلوچ سکنہ وندر جنھیں پاکستانی فورسز نے 16 اکتوبر 2024 کو وندر سے لاپتہ کردیا تھا اور آج انکی گرفتاری کا دعوی کیا گیا ہے ۔
پاکستانی سیکورٹی حکام نے دعویٰ کیا ہے کہ سندھ پولیس، سی ٹی ڈی اور حساس اداروں نے کراچی میں تباہی پھیلانے کا منصوبہ ناکام بناتے ہوئے دو خودکش حملہ آوروں کو گرفتار کرلیا ہے۔
دعوی میں مزید کہا گیا ہے کہ کراچی ایئرپورٹ کے قریب حملے کے ماسٹر مائنڈ کو بھی بلوچستان کے علاقے وندر سے حراست میں لے لیا گیا ہے۔
