کیچ ( مانیٹرنگ ڈیسک ) بلوچستان لبریشن فرنٹ کے ترجمان میجر گہرام بلوچ نے میڈیا کو بیان جاری کرتے ہوئے کہا ہے کہ سرمچاروں نے انتیس اکتوبر کی رات گیارہ بج کر پچاس منٹ پر ہیرونک میں پہاڑی پر قائم قابض پاکستانی فوجی چوکی کو نشانہ بنایا، حملے میں راکٹ اور خود کار ہتھیاروں کا استعمال کیا گیا جس سے فورسز کے اہلکاروں کو جانی و مالی نقصان پہنچا۔
ترجمان نے کہا ہے کہ حملے کے بعد سرمچار اپنے محفوظ مقام پر منتقل ہوگئے تاہم اس دوران قابض خوفزدہ فوج نے عام آبادی پر مارٹر گولے داغے جس سے مقامی لوگوں کے گھروں کو نقصان پہنچا۔
انہوں نے کہا ہے کہ بی ایل ایف اس حملے کی ذمہ داری قبول کرتی ہے اور قابض فورسز کے انخلاء تک حملے جاری رکھنے کا عزم کرتی ہے۔
