شال ( مانیٹرنگ ڈیسک ) اوستہ محمد سے شال آنے والی مسافر ویگن کا ٹائر سبی کے قریب برسٹ ہونے سے 7 بچوں سمیت 15 افراد زخمی ہوگئے، جنھیں طبعی امداد کے لئے سبی ٹیچنگ ہسپتال منتقل کردیا گیا۔
اس طرح ضلع خضدار کے علاقے اورناچ کوراڑو ایریا میں ٹرالر اور ٹرک کے درمیان تصادم کے نتیجے میں ایک شخص زخمی ہوگیا جبکہ حادثے کے باعث شاہراہ بند ہوکر رہ گیا ۔
دوسری جانب لورالائی کلی درگئی کے مقام پر ٹرک کی ٹکر سے موٹر سائیکل ولی خان ولد محمد سلام کدیزئی نامی شخص جان کی بازی ہار گیا ہے، متوفی کی نعش ضروری کاروائی کے بعد ورثا کے حوالے کردی گئی ہے جبکہ لورالائی پولیس نے ٹرک قبضے میں لیکر کاروائی شروع کر دی ہے
دریں اثناء خضدار کے تحصیل زہری سرآپ مسعودشادی میں زمین کے تنازعہ پر تصادم اور فائرنگ کے تبادلے میں گل حسن لہڑی اور انکے بیٹے شاہ نواز لہڑی شدید زخمی ہوگئے۔
زخمیوں کو فوری طورپر زہری ہسپتال نورگامہ پہنچایا گیا ،جنہیں فوری طبی امداد دینے کے بعد تشویشناک حالت میں خضدار ٹیچنگ ہسپتال منتقل کردیا گیا ۔
