تربت کے علاقے تجابان کرکی کے مقام پر پاکستانی فورسز کے کیمپ پر بھاری ہتھیاروں سے شدید حملے کی اطلاعات موصول ہوئی ہیں۔
زرائع کے مطابق حملے کے بعد کیمپ سے قریبی آبادی پر متعدد مارٹر گولے بھی فائر کئے گئے۔
حملہ آج شام پانچ بجے تجابان کرکی کے مقام پر پاکستانی فوج کے کیمپ پر ہوا، حملہ کافی دیر تک جاری رہا۔
مقامی زرائع کے مطابق حملے کے دوران فوجی کیمپ سے فائرنگ کی آوازیں بھی سنائی دیں بعدازاں کیمپ سے قریبی آبادی پر مارٹر گولے بھی فائر کئے گئے۔
زرائع سے موصول ہونے والی اطلاعات کے مطابق حملہ کافی شدید تھا جس کے باعث پاکستانی فورسز کے بھاری جانی نقصانات کا خدشہ ہے۔
خیال رہے اس سے پہلے بھی مذکورہ علاقے میں بلوچ آزادی پسند مسلح تنظیموں کے جانب سے پاکستانی فورسز کو اس طرح کے حملوں میں نشانہ بنایا جاتا رہا ہے۔ تاہم اس حملے کی ذمہ داری تاحال کسی تنظیم نے قبول نہیں کی ہے۔
