بلوچستان کے ضلع کیچ کے شہر تربت کے علاقے دشت میں فائرنگ کے ایک واقعے میں دو افراد ہلاک جبکہ دو زخمی ہونے کی اطلاعات موصول ہوئی ہیں۔
ابتدائی اطلاعات کے مطابق ایک گاڑی میں سوار افراد پر فائرنگ کی گئی، جنہیں بعض ذرائع افغان مہاجرین قرار دے رہے ہیں۔ ذرائع کا کہنا ہے کہ فائرنگ پاکستانی فوج فورسز کی جانب سے کی گئی ہے، تاہم واقعے کی وجوہات اور مکمل تفصیلات تاحال واضح نہیں ہو سکیں۔
زخمیوں کو فوری طور پر قریبی طبی مرکز منتقل کر دیا گیا ہے جبکہ حکام کی جانب سے ابھی تک کوئی باضابطہ بیان جاری نہیں کیا گیا۔
واقعے سے متعلق مزید معلومات کا انتظار کیا جا رہا ہے۔
