بلوچستان کے ساحلی شہر گوادر کے علاقے جیونی میں نامعلوم مسلح گاڑی سوار افراد نے ایف سی کی چیک پوسٹ کے باہر اہلکاروں کو نشانہ بنایا۔
ذرائع کے مطابق لینڈ کروزر گاڑی میں سوار مسلح افراد نے چیک پوسٹ کے باہر کھڑے تین اہلکاروں کو نشانہ بنایا، جس کے نتیجے میں ایک اہلکار ہلاک اور دو زخمی ہوئے۔ ہلاک ہونے والے اہلکار کی شناخت کانسٹیبل اللہ داد کے نام سے ہوئی ہے۔
حکام نے حملے کی تصدیق کرتے ہوئے کہا ہے کہ حملے میں ایک اہلکار کانسٹیبل اللہ داد ہلاک اور دو زخمی ہوئے ہیں۔ تاہم خدشہ ظاہر کیا جا رہا ہے کہ ہلاکتوں کی تعداد زیادہ ہو سکتی ہے کیونکہ ماضی میں بھی فورسز نے ہلاکتوں کو چھپانے کی کوشش کی ہے یا ظاہر نہیں کیا۔
حملے کی ذمہ داری تاحال کسی تنظیم نے قبول نہیں کی ہے۔
