بلوچستان کے ضلع کیچ کے علاقے زامران سے باپ اور بیٹے کی لاشیں برآمد ہوئی ہیں، جنہیں نامعلوم افراد نے قتل کرکے پھینک دیا۔
ذرائع کے مطابق جاں بحق افراد کی شناخت کہدہ پیر محمد زامرانی اور ان کے بیٹے عبداللہ یلان زئی کے ناموں سے ہوئی ہے۔ کہدہ پیر محمد زامرانی معروف شخصیت مرحوم حاجی عبدالرشید زامرانی کے فرزند تھے۔
علاقائی ذرائع کا کہنا ہے کہ دونوں افراد کو زامران کے علاقے سے اغوا کیا گیا تھا، جنہیں بعد ازاں قتل کرکے لاشیں ویران مقام پر پھینک دی گئیں۔
واقعے کے بعد علاقے میں تشویش کی لہر دوڑ گئی ہے، جبکہ حکام کی جانب سے تاحال واقعے سے متعلق کوئی باضابطہ بیان سامنے نہیں آیا۔
