شال ( مانیٹرنگ ڈیسک ،نامہ نگاران )
بلوچستان قلعہ سیف اللہ میں ٹریفک حادثہ، دو افراد ھلاک 6زخمی ہو گئے ۔
لیویز ذرائع کے مطابق پیر کو قلعہ سیف اللہ کے علاقے کان مہترزئی میں تیز رفتار گاڑی الٹ گئی جس کے نتیجے میں گاڑی میں سوار 2افراد ھلاک 6زخمی ہو گئے، جنہیں فوری طورپر ہسپتال منتقل کر دیا گیا۔
اس طرح نوشکی احمدوال کلی محمد اعظم مین روڈ پر خوفناک کار اور موٹرسائیکل کے تصادم میں دو افراد شدید زخمی ہوگئے ،بعد ازاں نوراحمد مینگل نامی شخص زخموں کے تاب نہ لاتے ہوۓ وفات پا گٸے جبکہ محمد حفیظ مینگل نامی شخص شدید زخمی حالت میں طبی امداد کے بعد شال ریفر کر دیا گیا۔
علاوہ ازیں مستونگ چونگی کے مقام پر نامعلوم افراد کی فائرنگ سے دو افراد زخمی ہوگئے ، جنہیں نواب غوث بخش ہسپتال منتقل کیاگیا، مزید علاج کے لیے شال بھیج دیا گیا۔
پولیس کے مطابق واقعہ پرانی دشمنی بتائی جار ہی ہے ۔
