بلوچستان کے ضلع کیچ کے مرکزی شہر تربت میں نامعلوم مسلح افراد نے آپسر میں فائرنگ کرکے ایک شخص کو قتل دوسرے کو زخمی کردیا ۔ ھلاک شخص کی شناخت امتیاز ولد اقبال جب کہ فائرنگ میں زخمی کا خلیل ولد عبد المجید ساکنان آپسر تربت سے ہوا ہے۔
واقعہ کے بعد نعش اور زخمی کو ٹیچنگ ہسپتال تربت لایا گیا جہاں پر ضروری کارروائی کے بعد میت کو اہل خانہ کے حوالے کیا گیا۔
علاوہ ازیں بلوچستان کے دارالحکومت شال میں پولیس تھانہ نیو سریاب کو ایک بچی کی نعش ملی ہے، جسے شناخت کیلئے سول ہسپتال میں رکھا گیا ہے، پولیس اپیل بچی کے بارے میں اپیل کی ہے کہ کسی کو معلومات ہو تو تھانہ نیو سریاب کو اطلاع دیں۔
ادھر لورالائی میں پانی کے بور میں گر کر بچی جاں بحق ہوگئی ۔ پولیس کے مطابق جمعہ کو لورالائی کے علاقے ناصر آباد اول پل کی رہائشی 9سالہ بچی پانی کی بورنگ میں گر کرجاں بحق ہوگئی ۔ انتظامیہ نے لاش کو بور سے نکال کر ورثاءکے حوالے کردیا مزید کاروائی جاری ہے۔
