کوئٹہ کے علاقے سریاب روڈ کی موسیٰ کالونی میں نامعلوم افراد کی فائرنگ کے نتیجے میں ایک شخص ہلاک ہو گیا۔
ذرائع کے مطابق ہلاک ہونے والے کی شناخت حزب اللہ ساسولی کے نام سے ہوئی ہے۔ واقعے کے بعد لواحقین نے میت کو سریاب روڈ پر رکھ کر احتجاج شروع کر دیا، جس کے باعث ٹریفک کی روانی شدید متاثر ہوئی اور گاڑیوں کی لمبی قطاریں لگ گئیں۔ مظاہرین نے ملزمان کی فوری گرفتاری کا مطالبہ کیا ہے، جبکہ پولیس کی جانب سے ٹریفک کو متبادل راستوں پر موڑنے کی کوشش کی جا رہی ہے۔
دوسری جانب ڈیرہ مراد جمالی کے علاقے ٹی اینڈ ٹی کالونی میں نامعلوم مسلح افراد کی فائرنگ کے نتیجے میں پولیو ڈیوٹی پر مامور ایک پولیس اہلکار بھی ہلاک ہو گیا۔
پولیس کے مطابق ہلاک اہلکار کی شناخت فرمان بشیر ولد بشیر احمد، سکنہ ڈیرہ اللہ یار کے نام سے ہوئی ہے۔ واقعے کے محرکات تاحال معلوم نہیں ہو سکے جبکہ حملے کی ذمہ داری بھی کسی نے قبول نہیں کی۔
دونوں واقعات کی تحقیقات جاری ہیں۔
