خضدار: ذرائع کے مطابق سندھ بھرام کے رہائشی ڈی ایس پی انور محمد حسنی، جنہیں گزشتہ ماہ خضدار کے علاقے کرخ میں بی ایل ایف کی جانب سے حراست میں لے لیا گیا تھا، بازیاب ہو گئے ہیں۔
اطلاعات کے مطابق وہ اپنے تین گن مینوں سمیت بحفاظت رہا کر دیے گئے ہیں۔ ذرائع کا کہنا ہے کہ بازیابی کے بعد انہیں محفوظ مقام پر منتقل کر دیا گیا ہے، جہاں ان کی طبی جانچ بھی کی جا رہی ہے۔
یاد رہے کہ ڈی ایس پی انور محمد حسنی کو اس وقت حراست میں لیا گیا تھا جب علاقے میں بی ایل ایف کی جانب سے کنٹرول حاصل کرنے کی اطلاعات سامنے آئی تھیں۔ تاہم اب ان کی بحفاظت واپسی پر اہل خانہ اور متعلقہ حلقوں نے اطمینان کا اظہار کیا ہے۔
