تربت یونیورسٹی کے بلوچی ڈیپارٹمنٹ کے ساتویں سمسٹر کے طالب علم نورخان ولد نظر محمد کے مبینہ اغوا کی اطلاعات سامنے آئی ہیں۔
اہل خانہ کے مطابق 21 سالہ نورخان کا تعلق سردشت کلانچ سے ہے اور وہ تربت یونیورسٹی میں زیرِ تعلیم ہیں۔ خاندان کا کہنا ہے کہ 28 مارچ 2026 کو دن تقریباً دو بج کر بیس منٹ پر پسنی وین اسٹاپ سے انہیں مبینہ طور پر سادہ لباس میں ملبوس مسلح افراد اپنے ساتھ لے گئے، جس کے بعد سے وہ لاپتہ ہیں۔
اہل خانہ کا کہنا ہے کہ نورخان کا کسی سیاسی جماعت یا تنظیم سے کوئی تعلق نہیں اور وہ ایک طالب علم ہیں۔
اہل خانہ نے مکران کی انتظامیہ سے نورخان کی بازیابی اور واقعے کی شفاف تحقیقات کا مطالبہ کیا ہے۔
