تربت کے علاقے سیٹلائٹ ٹاؤن میں نامعلوم افراد نے نیشنل پارٹی تحصیل تمپ کے رہنما اور مقامی ٹھیکیدار عارف سلیم کے گھر پر دستی بم حملہ کر دیا۔
پولیس کے مطابق دستی بم زور دار دھماکے سے پھٹ گیا، جس کے نتیجے میں عارف سلیم سمیت تین افراد زخمی ہو گئے۔ زخمیوں کو فوری طور پر ٹیچنگ اسپتال تربت منتقل کر دیا گیا، جہاں ابتدائی طبی امداد کے بعد ان کی حالت خطرے سے باہر بتائی جا رہی ہے۔
واقعے کے فوراً بعد پولیس نے علاقے کو گھیرے میں لے کر شواہد اکٹھے کرنا شروع کر دیے۔ حملہ آور فرار ہونے میں کامیاب ہو گئے ہیں۔
تاحال حملے کی ذمہ داری کسی نے قبول نہیں کی۔
