بلوچستان کے ضلع چاغی میں نامعلوم مسلح افراد کے حملے میں دو فوجی اہلکار ہلاک ہوئے تھے، جن کی شناخت پاکستان ایئر فورس کے افسران کے طور پر ہوئی ہے۔
ذرائع کے مطابق ہلاک ہونے والوں کی شناخت محمد طاہر ولد طارق محمود ساکن کہوٹہ (راولپنڈی) اور محمد شفیق ولد امیر خان ساکن ضلع تلہ گنگ کے طور پر کی گئی ہے۔ جو پاکستان ایئر فورس کے اہلکار ہیں۔ دونوں اہلکار چاغی بازار میں خریداری کے بعد موٹر سائیکل پر واپس کیمپ جا رہے تھے کہ کلی داودی کے مقام پر موٹر سائیکل سوار نامعلوم حملہ آوروں نے ان پر فائرنگ کر دی جس کے نتیجے میں دونوں موقع پر ہی ہلاک ہو گئے۔
ماضی میں ایسے حملوں کی ذمہ داری بلوچ مسلح آزادی پسند تنظیمیں قبول کرتی رہی ہیں، تاہم آج کے حملے کی ذمہ داری تاحال کسی تنظیم نے قبول نہیں کی ہے۔
