ضلع کیچ کے علاقے زامران، لد میں نامعلوم افراد نے عسکری تعمیراتی کمپنی کی مشینری کو کاروائی میں تباہ کردیا۔
بتایا جارہاہے کہ لد میں پاکستانی فورسز کے کیمپ کے قریب کھڑی عسکری تعمیراتی کمپنی کے ٹریکٹر کو نامعلوم افراد نے دھماکہ خیز مواد نصب کرکے تباہ کردیا۔
علاوہ ازیں ضلع کیچ میں رات گئے ساڑھے بارہ بجے نامعلوم افراد نے کیچ کے علاقے ہیرونک میں قائم پاکستانی فوج کے کیمپ کو حملے میں نشانہ بنایا ۔
علاقائی ذرائع کا کہنا ہے کہ حملے کے وقت علاقے میں شدید فائرنگ اور دھماکوں کی آوازیں سنیں گئی، ذرائع کا کہنا ہے کہ حملے میں فورسز کو نقصانات کا سامنا رہا ہے جبکہ حملہ آور فرار ہونے میں کامیاب ہوگئے ہیں۔
تاہم حملوں کے حوالے سے حکام کا موقف سامنے نہیں آیا ہے، نہی حملوں کی ذمہ داریاں تاحال کسی نے قبول کی ہے۔
