بلوچستان ضلع کیچ تحصیل مند چھریوں کے وار سے ایک شخص کو قتل کردیا گیا، مبینہ قاتل گرفتار۔
![](https://urdu.zrumbesh.com/wp-content/uploads/2024/06/74327684-c9d0-42b4-b2ad-4f0f7a126ef6-1_all_685.jpg)
پولیس ذرائع کے مطابق مند سورو میں ایک شخص نے چھریوں کی وار سے عزیز احمد ولد محراب کو قتل کر دیا گیا ۔
مند پولیس نے بروقت کارروائی کرکے مبینہ ملزم صابر کو گرفتار کرلیا مزید تفتیش پولیس کررہی ہے۔
ادھر شال دشت کلی ڈور سے ایک شخص کی نعش برآمد، مقتول کو سر پر پتھر مار کر ہلاک کیا گیا ہے ، شناخت لیاقت علی ولد امام بخش عمر 25 سال قوم بنگلزئی سکنہ دشت سے ہواہے ۔
میت چیھپا ایمبولینس کے ذریعے سول ہسپتال منتقل کیا گیا۔
علاوہ ازیں لسبیلہ وند رکے قریب علاقہ میندیاری میں نوجوان نے خودکشی کرلی۔ تفصیلات کے مطابق سونمیانی وندر کے علاقے موضع میندیاری میں 30سالہ یعقوب نامی شخص نے گھر کے قریب جنگل میں درخت پر رسی باندھ کرگلے میں پھندا ڈال کر خودکشی کرلی۔
وندر پولیس نے نوجوان کی نعش کو سول ہسپتال وندر میں ضابطے کی کارروائی کے بعد ورثا کے حوالے کردیا، خود کشی کی وجوہات سامنے نہ آسکے ہیں۔
دریں اثناء حب، سونمیانی وندر گڈانی سے حب جانے والی کوسٹر گڈانی لنک روڈ پر الٹ گئی، حادثے کے نتیجے میں 7 مسافر زخمی ہوگئے، زخمیوں کو پرائیویٹ گاڑیوں اور پولیس موبائل میں قریبی ہسپتال منتقل کیا گیا۔