کیچ کے مرکزی شہر تربت کے علاقہ آبسر سے گذشتہ رات پاکستانی فورسز نے چار افراد محمد صالح ولد طارق، امتیاز ولد اقبال، وسیم ولد حسن اور اعجاز ولد امید نامی نوجوانوں کو حراست میں لیکر جبری لاپتہ کردیا ۔
ادھر قلات میں نامعلوم افراد کی فائرنگ سے ایک شخص شدید زخمی ہوگیا ۔
تفصیلات کے مطابق گزشتہ رات دس بجے کے قریب نامعلوم مسلح افراد نے ڈسٹرکٹ قلات میں فرنٹیئر کور ایف سی کے مرکزی کیمپ کے قریب واقع ہربوئی ہوٹل میں ٹھہرے ایک شخص کو فاہرنگ کرکے شدید زخمی کردیا ۔
ذرائع کے مطابق پنجاب کا ایک رہائشی جو ہربوئی ہوٹل قلات میں خود کو مزدور ظاہر کرتا تھا ایک انٹیلیجنس اہلکار تھا کو نامعلوم افراد نے ہوٹل میں گھس کر فائرنگ کر دیا ۔ جس سے وہ شدید زخمی ہوگیا ۔ جسے قلات میں طبی امداد دینے کے بعد شال منتقل کر دیا گیا.
