حب کے قریب شال کراچی شاہراہ پر گڈانی موڑ کے مقام پر ایرانی تیل بردار کار اور موٹر سائیکل میں تصادم کے نتیجے میں کار اور موٹر سائیکل سوارسمیت چار افراد جھلس کر ھلاک ہوگئے ۔
علاقائی ذرائع کا کہنا ہے کہ بیلہ سے حب تک مسافر بردار بسوں کوچز اور ہائی ایکس گاڑیوں میں بھی ایرانی تیل کی غیر محفوظ طریقے سے اسمگلنگ جاری ہے جس سے انسانی جانوں کے نقصان کا خدشہ ہے ۔
دریں اثناء سبی میں چینک چوک پر نامعلوم افراد کی جانب سے فائرنگ کا واقعہ پیش آیا، ریسکیو ذرائع کے مطابق فائرنگ سے ایک شخص زخمی ہو گیا جسے ہسپتال منتقل کر دیا گیا، ملزمان فائرنگ کر کے با آسانی فرار ہونے میں کامیاب ہو گئے۔
