سلمان بلوچ کی بہن سعدیہ بلوچ نے اپنے بھائی کی جبری گمشدگی کے چار سال مکمل ہونے پر 14 نومبر 2026 کو سوشل میڈیا مہم کا اعلان کیا ہے،
انہوں نے کہا ہے کہ چار سال گزر گئے، مگر سلمان بلوچ کے اہلِ خانہ کی امید، انتظار اور انصاف کی جدوجہد آج بھی جاری ہے۔ ایک ماں آج بھی اپنے بیٹے کی راہ تک رہی ہے، ایک خاندان آج بھی اپنے پیارے کی واپسی کا منتظر ہے۔ چار سال کی خاموشی، چار سال کا درد، مگر سوال آج بھی وہی ہے: سلمان بلوچ کہاں ہے؟
انہوں نے مطالبہ کرتے ہوئے کہا کہ سلمان بلوچ کو فوری طور پر بازیاب کیا جائے اور اگر ان پر کوئی الزام ہے تو انہیں قانون کے مطابق عدالت میں پیش کیا جائے۔
سعدیہ بلوچ نے تمام سیاسی و سماجی کارکنان، طلبہ، انسانی حقوق کے علمبرداروں اور باشعور افراد سے اپیل ہے کہ 14 نومبر کو ان کے بھائی کے لئے چلائی جانے والی مہم میں بھرپور حصہ لیں، اپنی آواز بلند کریں اور سلمان بلوچ کے اہلِ خانہ کی آواز بنیں۔
