بلوچستان کے دارالحکومت کوئٹہ (شال) کے علاقے کلی قمبرانی سے دو نوجوانوں کو سی ٹی ڈی اہلکاروں کی جانب سے حراست میں لینے کے بعد جبری طور پر لاپتہ کیے جانے کی اطلاعات ہیں۔
ذرائع کے مطابق لاپتہ افراد کی شناخت سراج قمبرانی ولد گنی اور لال خان ولد جعفر قمبرانی کے ناموں سے ہوئی ہے۔
رپورٹس کے مطابق 24 اپریل 2026 کو سی ٹی ڈی اہلکاروں نے دونوں نوجوانوں کو ان کے گھروں سے حراست میں لے کر نامعلوم مقام پر منتقل کر دیا، جس کے بعد سے ان کے بارے میں کوئی معلومات سامنے نہیں آ سکیں۔
اہلخانہ نے واقعے کی تصدیق کرتے ہوئے حکام سے ان کی فوری اور بحفاظت بازیابی کا مطالبہ کیا ہے، جبکہ تاحال سرکاری سطح پر کوئی باضابطہ مؤقف سامنے نہیں آیا۔
