بلوچ نیشنل موومنٹ (BNM) کے زیرِ اہتمام "یومِ شہدائے بلوچ ” (شہمیرانی روچ 2026ء) کی مناسبت سے کل بروز ہفتہ 14 نومبر 2026ء کو جرمنی کے شہر ہینوور (Hannover) میں ایک اہم کانفرنس کا انعقاد کیا جا رہا ہے۔
"بلوچستان: آزادی، شناخت اور قربانیوں کی میراث کی جدوجہد” (Balochistan: The Struggle for Freedom, Identity and the Legacy of Sacrifice) کے عنوان سے منعقد ہونے والی اس کانفرنس میں بلوچ قومی تحریک کے رہنماؤں کے علاوہ معروف سیاسی شخصیات، تجزیہ کار، محققین اور بین الاقوامی صحافی اظہارِ خیال کریں گے۔
کانفرنس کے مقررین میں بی این ایم کے چیئرمین ڈاکٹر نسیم بلوچ،کارلوس زوروتوزا (Karlos Zurutuza)،ڈاکٹر نصیر دشتی،لاکھو لوہانہ،منظور پشتین،رفیع اللہ کاکڑ،ڈاکٹر عائشہ صدیقہ اور حاتم بلوچ شامل ہیں جبکہ کانفرنس کی نظامت (Moderation) کے فرائض سلیم بلوچ اور ندیم سلیم سرانجام دیں گے۔
بلوچ نیشنل موومنٹ کی جانب سے تمام بلوچ عوام، انسانی حقوق کے کارکنوں اور آزادی پسند حلقوں کو اس کانفرنس میں شرکت کی دعوت دی گئی ہے تاکہ بلوچ قوم کے لیے اپنی جانوں کا نذرانہ پیش کرنے والے شہداء کو خراجِ عقیدت پیش کیا جا سکے۔
