بلوچی شاعر، ادیب، مترجم اور صحافی سرباز وپا کی نئی کتاب “جہد ءُ جہدکار” زرمبش پبلی کیشن کی جانب سے شائع کر دی گئی ہے۔
پبلی کیشن کے جاری کردہ بیان کے مطابق کتاب کی پروف ریڈنگ استاد بابل لطیف نے کی، ایڈیٹنگ قاضی ریحان نے انجام دی جبکہ سرورق الیاس بلوچ نے ڈیزائن کیا ہے۔
بیان میں کہا گیا ہے کہ کتاب میں قاضی ریحان کا مضمون “جہدکار: راج ءِ راھشون” بھی شامل ہے، جو کتاب کے فکری پہلوؤں اور بنیادی موضوعات کو اجاگر کرتا ہے۔
“جہد ءُ جہدکار” میں جہدکار، سیاست، قیادت، رہنما کی ذمہ داریاں، کامیاب قیادت کی خصوصیات، تنظیم سازی، سرکلز کی اہمیت، تنقید کے فوائد اور حدود سمیت مختلف فکری و تنظیمی موضوعات پر تفصیل سے روشنی ڈالی گئی ہے۔
یہ سرباز وپا کی تیسری تصنیف ہے، اس سے قبل ان کی کتابیں “جنگولیں پدا” اور “جپاکشیں ورنا” بھی شائع ہو چکی ہیں، جبکہ ان کی دو ترجمہ شدہ کتابیں بھی منظر عام پر آ چکی ہیں۔
یہ کتاب پی ڈی ایپ میں زرمبش پبلی کیشن کے آفیشل ٹیلی گرام چینل پر دستیاب ہے۔
