مستونگ میں نامعلوم مسلح افراد کی فائرنگ کے نتیجے میں دو افراد ہلاک ہوگئے۔
ذرائع کے مطابق واقعہ شہید نواب غوث بخش رئیسانی ہسپتال کے سامنے پیش آیا، جہاں نامعلوم افراد نے ایک گاڑی پر اندھا دھند فائرنگ کی۔
فائرنگ کے نتیجے میں محمد نعیم ولد عبدالمنان موقع پر ہلاک ہوگئے، جبکہ شدید زخمی ہونے والا دوسرا شخص بعد ازاں ہسپتال میں زخموں کی تاب نہ لاتے ہوئے دم توڑ گیا، جس کی شناخت محمد عامر ولد حاجی خیر محمد (قوم بادینی) کے نام سے ہوئی ہے۔
عینی شاہدین کے مطابق حملہ آور رکشے میں سوار ہو کر آئے اور فائرنگ کے بعد موقع سے فرار ہو گئے۔
واقعے کے بعد پولیس نے علاقے کو گھیرے میں لے کر ملزمان کی تلاش شروع کر دی ہے، جبکہ مزید تحقیقات جاری ہی۔
