بلوچستان کے علاقہ دکی میں پاکستانی فورسز اور بلوچ سرمچاروں کے درمیان شدید جھڑپ کی اطلاعات، تفصیلات کے مطابق آج مغرب کے وقت دکی میں ناصر کول کمپنی کے مقام پر نامعلوم مسلح افراد اور بلوچ سرمچاروں کے درمیان فائرنگ کا تبادلہ ہوا۔ اس کے بعد مسلح افراد کی کمک کیلئے ایف سی موقع پر پہنچی اور جھڑپ مزید شدت اختیار کرگئی۔
![](http://urdu.zrumbesh.com/wp-content/uploads/2024/01/1000052345.jpg)
علاقائی ذرائع کے مطابق جھڑپ میں بڑے ہتھیاروں کا استعمال ہوا ہے۔
تاحال کسی جانی نقصان کی اطلاع موصول نہیں ہوا ہے البتہ ذرائع نے اس حوالے سے خدشہ ظاہر کیا ہے۔
کران کوسٹل ہائی وے پر ایک ہی دن میں 3 حادثات، خاتون اور بچی سمیت 3 افراد ھلاک ۔ اطلاع کے مطابق مکران کوسٹل ہائی وے پسنی گوادر سیکشن پر کنڈاسول کے قریب کراچی سے تربت جانے والی کار اور مخالف سمت سے آنے والی گیس ٹینکر میں تصادم کے نتیجے میں تحصیلدار سٹلمنٹ حفیظ بلوچ کی اہلیہ اور صاحبزادی موقع پر ھلاک ہوگئیں۔
بعد ازاں کوسٹل ہائی پولیس نے ڈرائیور کو گرفتار کرکے پولیس کے حوالے کردیا، ایک اور واقعہ میں کوسٹل ہائی وے اورماڑہ، پسنی سیکشن پر تیز رفتار گاڑی نے کلمت کے قریب نوجوان کو کچل دیا جس سے وہ موقع پر ھلاک ہوا ، جبکہ گاڑی فرار ہونے میں کامیاب ہوگئی ، ایک اور اطلاع کے مطابق تربت، گوادر ایم 8 سیکشن پر دشت کے قریب مسافر کوچ اور ،،زمیاد،، گاڑی میں تصادم کے نتیجے میں چار افراد زخمی ہوگئے ۔
![](http://urdu.zrumbesh.com/wp-content/uploads/2024/02/1000061565.jpg)
دریں اثناء تربت میں مسافر بس اور زمباد گاڑی میں تصادم کے نتیجے میں 12 افراد زخمی ہوگئے۔ اطلاع کے مطابق دشت میں مسافر بس اور زمیاد گاڑی میں تصادم ہوا ۔ ابتدائی اطلاع کے مطابق 12 زخمیوں کو ٹیچنگ ہسپتال تربت منتقل کیا گیا ہے۔