کوئٹہ کے علاقے سریاب روڈ فیض آباد کے قریب نامعلوم افراد کی جانب سے گاڑی پر فائرنگ کے نتیجے میں تین افراد ہلاک ہوگئے۔
ذرائع کے مطابق ہلاک افراد میں ہارون ولد جمیل احمد مینگل شامل ہیں، جبکہ دیگر دو افراد کی شناخت تاحال نہیں ہو سکی۔
پولیس کے مطابق واقعہ بظاہر ذاتی دشمنی کا شاخسانہ معلوم ہوتا ہے، تاہم واقعے کے مختلف پہلوؤں پر تحقیقات جاری ہیں۔
لاشوں کو ضابطے کی کارروائی کے لیے سول ہسپتال کوئٹہ منتقل کر دیا گیا ہے۔
