بلوچستان کے علاقے تربت کے کیساک سے ایک نامعلوم شخص کی لاش برآمد ہوئی ہے، جس کی تاحال شناخت نہیں ہو سکی۔
ذرائع کے مطابق لاش مقامی افراد کو ملی، جس کے بعد متعلقہ حکام کو اطلاع دی گئی۔ اطلاع ملنے پر پولیس موقع پر پہنچ گئی اور لاش کو اپنی تحویل میں لے لیا۔
لاش کو ضابطے کی کارروائی اور شناخت کے لیے ٹیچنگ ہسپتال تربت منتقل کر دیا گیا ہے، جہاں ضروری قانونی مراحل مکمل کیے جا رہے ہیں۔
ابتدائی اطلاعات کے مطابق لاش کی حالت کے بارے میں مزید تفصیلات سامنے نہیں آ سکیں، جبکہ پولیس کا کہنا ہے کہ واقعے کی تحقیقات شروع کر دی گئی ہیں تاکہ متوفی کی شناخت اور موت کی وجوہات کا تعین کیا جا سکے۔
