کوئٹہ: مکران ڈویژن کے کمشنر کی سرکاری گاڑی کو ضلع سوراب کے علاقے میں نامعلوم مسلح افراد نے روک کر اپنے قبضے میں لے لیا جبکہ گاڑی میں موجود گن مین اور ڈرائیور کو بھی اپنے ساتھ لے گئے۔
ذرائع کے مطابق کمشنر مکران کی سرکاری گاڑی کوئٹہ سے تربت کی جانب روانہ تھی جسے کمشنر کے گن مین اور ڈرائیور لے کر جا رہے تھے۔ راستے میں ضلع سوراب کے قریب نامعلوم مسلح افراد نے گاڑی کو روک کر قبضے میں لے لیا۔
ذرائع کا کہنا ہے کہ مسلح افراد گاڑی کے ساتھ گن مین اور ڈرائیور کو بھی اپنے ساتھ نامعلوم مقام پر منتقل کر دیا۔
آخری اطلاعات تک مغوی گن مین اور ڈرائیور کے بارے میں مزید تفصیلات سامنے نہیں آ سکیں جبکہ سرکاری گاڑی کا بھی کوئی سراغ نہیں مل سکا۔
