خضدار کے تحصیل وڈھ کے علاقے وہیر میں مدرسے کے قریب واقع ویران مقام سے ایک نوجوان کی گولیوں سے چھلنی لاش برآمد ہوئی ہے۔
پولیس نے لاش کو تحویل میں لے کر ضروری قانونی کارروائی مکمل کرنے کے بعد اسپتال منتقل کر دیا۔ پولیس ذرائع کے مطابق مقتول کی شناخت شکیل احمد ولد بشیر احمد ملازئی کے نام سے ہوئی ہے۔
ابتدائی تفتیش کے مطابق مقتول کو نامعلوم افراد نے فائرنگ کرکے قتل کیا، تاہم قتل کی وجوہات تاحال معلوم نہیں ہو سکیں۔
