تربت کے علاقے میری میں نامعلوم مسلح افراد کی فائرنگ سے ایک شخص ہلاک ہوگیا۔ ہلاک ہونے والے کی شناخت نجیب ولد ماسٹر لال بخش عرف یعقوب کے نام سے ہوئی ہے۔
واقعے کے بعد حملہ آور فرار ہوگئے، جبکہ قتل کی وجوہات تاحال معلوم نہیں ہوسکیں۔ پولیس نے لاش تحویل میں لے کر تحقیقات کا آغاز کردیا ہے۔
دوسری جانب بلوچستان کے مرکزی شہر کوئٹہ میں گیس لیکج کے باعث دم گھٹنے سے دو افراد ہلاک ہوگئے۔ ریسکیو حکام کے مطابق واقعہ گزشتہ شب کوئٹہ کے علاقے میکانگی روڈ پر پیش آیا، جہاں ایک نجی اسکول کا چوکیدار کمرے میں گیس کھلی چھوڑ کر سو گیا۔
گیس بھر جانے کے باعث کمرے میں موجود واحد بخش اور زبیر احمد دم گھٹنے سے موقع پر ہی ہلاک ہوگئے۔ اطلاع ملنے پر ریسکیو ٹیم نے موقع پر پہنچ کر لاشیں تحویل میں لیں اور ہسپتال منتقل کیا، جہاں ضروری کارروائی کے بعد لاشیں ورثاء کے حوالے کردی گئیں۔
