بلوچستان لبریشن فرنٹ کے ترجمان میجر گہرام بلوچ نے میڈیا کو بیان جاری کرتے ہوئے کہا کہ دس جولائی کو شام سات بجے سرمچاروں نے تمپ کے علاقہ ملک آباد میں زیرِ تعمیر ایک فوجی چوکی پر حملہ کر کے اسے نذرِ آتش کر دیا۔ اسی دوران، جب فورسز نے سرمچاروں کی جانب پیش قدمی کی، تو گھات میں بیٹھے سرمچاروں نے جوابی حملہ کرتے ہوئے دو اہلکار ہلاک کر دیے اور دشمن کو پسپائی پر مجبور کر دیا۔
ترجمان نے کہا کہ گیارہ جولائی کو زامران کے دو مختلف مقامات پر سرمچاروں نے بیک وقت حملے کیے۔ پہلا حملہ دوپہر بارہ بجے زامران کے علاقہ پگنزان میں قائم چیک پوسٹ پر کیا گیا جہاں بھاری ہتھیاروں کا استعمال کیا گیا، جبکہ دوسرا حملہ آروسئین ڈن کے مقام پر اسنائپر ٹیم نے انجام دیا، جس میں ایک اہلکار مارا گیا۔
انہوں نے کہا کہ بارہ جولائی کو شام آٹھ بجے نوشکی کے علاقہ زرّین جنگل میں قائم ایف سی کیمپ کو نشانہ بنایا گیا۔ سرمچاروں کے ایک دستے نے اسنائپرز اور تھرمل ہتھیاروں سے فائرنگ کی، جبکہ دوسری ٹیم نے راکٹوں اور خودکار ہتھیاروں سے حملہ کیا، جس کے نتیجے میں تین اہلکار ہلاک اور دو زخمی ہوئے۔
ان کا کہنا تھا کہ اسی دوران، فورسز کی کمک کے لیے آنے والے قافلے پر گھات لگا کر حملہ کیا گیا، جس میں مزید تین اہلکار ہلاک اور چار زخمی ہوئے۔ حملے کے بعد دشمن فورسز پسپا ہو گئیں اور سرمچار بحفاظت اپنے ٹھکانوں پر پہنچ گئے۔
ترجمان نے مزید کہا کہ بارہ جولائی ہی کی رات کو نو بجے، مشکے میں واقع مرکزی چھاؤنی پر سرمچاروں نے متعدد راکٹ فائر کیے اور بھاری ہتھیاروں سے بیس منٹ طویل حملہ کیا، جس سے فورسز کو جانی و مالی نقصان پہنچا۔
آخر میں ترجمان نے کہا کہ بلوچستان لبریشن فرنٹ ان کارروائیوں کی ذمہ داری قبول کرتی ہیں اور عزم کا اعادہ کرتی ہے کہ بلوچستان کی آزادی تک قابض پاکستانی فورسز پر حملوں کا سلسلہ شدت کے ساتھ جاری رکھیں گے۔
