بلوچستان کے ضلع کیچ میں پاکستانی فورسز کی جانب سے فوجی آپریشن جاری ہے، جبکہ فائرنگ کی آوازیں بھی سنی گئی ہیں۔
ذرائع کے مطابق، کیچ کے مرکزی تربت کے کیچ کئور میں پاکستانی فورسز اور فوج کے زیرِ سرپرستی قائم کیے گئے ڈیتھ اسکواڈ کے کارندوں کی بڑی تعداد نے آج صبح آپریشن کا آغاز کیا۔ بتایا جا رہا ہے کہ کیچ کئور میں داخلے کے بعد شدید فائرنگ کا سلسلہ کافی دیر تک جاری رہا۔
مزید تفصیلات کے مطابق، آج شام کے وقت فورسز کے مزید چار گاڑیوں کو کیچ کئور کی جانب جاتے ہوئے دیکھا گیا ہے۔
اس دوران تاحال کسی جانی نقصان یا گرفتاری کی کوئی اطلاع موصول نہیں ہوئی۔ تاہم زید معلومات کا انتظار ہے۔
