بلوچستان کے ضلع کیچ کے مرکزی شہر تربت سے دو نوجوان زرین جاوید اور عمر اقبال کو پاکستانی خفیہ اداروں کے اہلکاروں نے اغوا کر لیا ہے، جس کے بعد دونوں نوجوان لاپتہ ہیں۔
عینی شاہدین اور خاندانی ذرائع کے مطابق یہ واقعہ گزشتہ شام دشتی بازار میں پیش آیا جہاں دونوں نوجوان ایک موبائل فون کی دکان میں موجود تھے۔ اسی دوران سفید رنگ کی سرف گاڑی میں سوار نامعلوم مسلح افراد انہیں زبردستی گاڑی میں بٹھا کر اپنے ساتھ لے گئے۔
متاثرہ خاندان کا کہنا ہے کہ واقعے کی اطلاع فوری طور پر تربت پولیس کو دی گئی جس کے بعد پولیس نے دشتی بازار سے نوجوانوں کی زیر استعمال موٹرسائیکل برآمد کر لی۔ تاہم واقعے کو کئی گھنٹے گزرنے کے باوجود پولیس اغوا کاروں کا سراغ لگانے میں تاحال ناکام رہی ہے۔
