بلوچستان کے ضلع دکی میں آج پاکستانی فورسز نے ایک جعلی مقابلے میں پانچ افراد کی ہلاکت کا دعویٰ کیا تھا، جن میں پہلے سے لاپتہ کیے گئے محمد دین مری بھی شامل ہے۔ بتایا جا رہا ہے کہ محمد دین مری کو فورسز نے چار ماہ قبل ہرنائی سے حراست میں لیا تھا اور اس کے بعد اسے جبری طور پر لاپتہ کر دیا گیا تھا۔
آج اطلاعات موصول ہوئی ہیں کہ محمد دین مری کو دکی میں سی ٹی ڈی نے جعلی انکاونٹر میں قتل کرکے انہیں مسلح تنظیم سے جوڑنے کی کوشش کی۔
علاقائی ذرائع کا کہنا ہے کہ جن افراد کو فورسز کے جعلی مقابلے میں مارا وہ ممکنہ طور پر لاپتہ افراد ہو سکتے ہیں تاہم ابھی تک ان کی شناخت نہیں ہو سکی ہے۔
