اسلام آباد (مانیٹرنگ ڈیسک ) اسلام آباد ، گرفتارافراد سے ملاقات اور لاپتہ افراد کی بازیابی کیلے آئے درجنوں پشتون ، صحافیوں اور وکلا کی موجودگی میں عدالت کے احاطےسے پولیس نے بغیر کسی جرم ،ایف آئی آر ، وارنٹ کے ،گرفتار کرکے لے ۔
اس موقع پر انسانی حقوق کی معروف وکیل ایمان مزاری نے کہاکہ بلوچوں اور پشتونوں کیلئے اسلام آباد کو نو گو ایریا بنایا جا رہا ہے اسلام آباد میں باقاعدہ شناختی کارڈ چیک کر کے بلوچوں پختونوں کو جیلوں میں ڈالا جارہا ہے یہ اقدام ملک توڑنے کے برابر ہے ۔
عدالت میں موجود صحافی نے کہا کہ کتنی افسوس کی بات ہے اسلام آباد پولیس نے بے دردی سے اپنے پیاروں سے ملنے ان کی کیسز بارے معلومات لینے کیلے آنےوالے درجنوں پشتونوں کو عدالت کے احاطے سے حراست میں لیکر عام سوزوکی وین اور ٹرکوں میں ٹھونس کر لے گئے ۔
پولیس نے اس دوران کسی صحافی کی بھی نہیں سنی اور سب کے سامنے ان افراد کو حراست میں لے لیا جو پر امن طور پر بیٹھےہوئے اپنے پیاروں کے انتظار میں تھے جنھیں عدالت میں پیش کیاجارہاتھا ۔
