بلوچ سٹوڈنٹس آرگنائزیشن شال زون کا ورکنگ باڈی اجلاس زیر صدارت زونل آرگنائزر کبیر بلوچ کے منعقد ہوا۔ جس کے مہمان خاص مرکزی سیکرٹری جنرل صمند بلوچ جب کہ اعزازی مہمان مرکزی انفارمیشن سیکرٹری شکور بلوچ تھے۔ اجلاس میں مرکزی کمیٹی کے اراکین بیبرگ واحد بلوچ، ایوب بلوچ، زونل آرگنائزنگ کمیٹی کے رکن عامر بلوچ، یونٹ و ڈپٹی یونٹ سیکریٹریز نے شرکت کی۔ اجلاس کی کارروائی زونل انفارمیشن سیکریٹری احمد بلوچ نے چلائی۔
اجلاس کا باقاعدہ آغاز شہدا بلوچستان کی یاد میں دو منٹ کی خاموشی سے کیا گیا۔اجلاس میں یک نکاتی ایجنڈہ راہشون سردار عطاءاللہ مینگل کی برسی کے مناسبت سے تعزیتی پروگرام زیر بحث رہا.اجلاس میں سردار عطاءاللہ مینگل کے برسی کے مناسبت سے تین ستمبر کو پولی ٹیکنیک کالج سریاب کے گراؤنڈ میں ایک عظیم الشان جلسہ منعقد کرنے کا فیصلہ کیا گیا اور جلسے کی تیاریوں کے لئے مختلف کمیٹیز تشکیل دے کر ساتھیوں کو ذمہ داریاں دی گئی۔
