بارکھان سے لاپتہ طالب علم دو نوں بھائی بازیاب ہو کر گھر پہنچ گئے ۔
تفصیلات کے مطابق رواں ماہ بلوچستان کے ضلع بارکھان سے جبری لاپتہ ہونے والے سعید بلوچ اور حنیف بلوچ بازیاب ہوکر اپنے گھر پہنچ گئے ہیں۔ دونوں نوجوان بھائیوں کی بازیابی کی تصدیق ان کے قریبی ذرائع نے کی ہے-
پاکستانی صوبہ پنجاب کے اسلامک یونیورسٹی بہاولپور میں زیر تعلیم شعبہ سوشل ورک کے گولڈ میڈلسٹ اور گریجویٹ حنیف بلوچ کو 4 جون کو ان کے آبائی شہر بارکھان سے جبری لاپتہ کیا گیا تھا ، جبکہ گذشتہ دنوں ان کے بھائی سعید بلوچ کو بھی بارکھان سے پاکستانی فورسز نے حراست بعد لاپتہ کردیا گیا تھا-
بارکھان میں نوجوانوں کی جبری گمشدگی کے خلاف بلوچ طلباء کی جانب سے احتجاج ریکارڈ کرایا گیا تھا تاہم آج دونوں نوجوان بازیاب ہو گئے ہیں۔
