تربت۔ بلوچی زبان کے نوجوان شاعر بازیاب ہوگئے۔تفصیلات کے مطابق بلوچ زبان کے نوجوان شاعر سخی ساوڑ ایک سال کی جبری گمشدگی کے شکار رہنے کے بعد بازیاب ہوئے ہیں ۔
بتایا جارہاہے کہ انہیں بدھ کی شب تربت سے رہا کرکے اہل خانہ کے حوالے کیا گیا۔ آج صبح سے ان کے بازیابی کی اطلاع تھی تاہم ان کی بازیابی رات کو ممکن ہوسکی۔
سخی ساوڑ بلوچی زبان کے نوجوان شاعر ہیں انہیں گذشتہ برس ضلع کیچ کے مرکزی شھر تربت سے فون پر رابطہ کرکے پلاٹ خریدنے کے بہانے بلاکر لاپتہ کیا گیا تھا۔ وہ تربت میں اسٹیٹ ایجنسی کے کاروبار سے وابستہ تھے۔
