پاکستانی کوسٹ گارڈ اہلکاروں نے مقامی مزدوروں کو تشدد کا نشانہ بنایا۔ تفصیلات کے مطابق مقامی کائیک سوار دو افراد جہانزیب اور بیبگر کو کوسٹ اہلکاروں نے تشدد نشانہ بنایا جنہیں علاج کے لئے اسپتال روانہ کیا گیا۔
واضح رہے کہ رواں سال یہ تیسرا واقعہ ہے جس میں کوسٹ اہلکاروں نے مقامی مزدوروں کو نشانہ بنایا ہے گزشتہ مہینے فروری میں ایک مقامی مزدور پر اسپیڈ بوٹ چڑھاکر قتل کیا گیا تھا ۔
دریں اثنا گوادر سے نومنتخب ایم پی اے مولانا ہدایت الرحمان نے ایک بیان جاری کرتے ہوئے کہا ہے کہ کنٹانی میں ہزاروں لوگوں کے کاروبار کو مذاق سمجھنے والوں کو عوامی ردعمل کا اندازہ نہیں، عوامی نمائندوں سے مشاورت کے بغیر کسی بھی نوٹیفکیشن کو نہیں مانتے، کنٹانی کی بندش ہزاروں خاندانوں کا معاشی قتل عام ہے جو کسی طور قابل قبول نہیں۔
