منگچر، سور جمندزئی منگچر میں گزشتہ شب نامعلوم افراد کی فائرنگ سے ایک شخص ھلاک ہوا جس کی شناخت،محمد بلال ولد منظور احمد لانگو کے نام سے ہواہے ۔ بتایا جارہاہے کہ انھیں رات گئے سور جمندزئی کے ایریا میں قتل کرکےنعش گاوں کے قریب پہاڑ کے نزدیک رکھ کر فرار ہوگئے تھے ۔
علاوہ ازیں تربت گوادر ایم 8شاہراہ پر بیری چاہ دشت کے قریب مزدا ٹرک نے پرو بکس کار کو ٹکر ماری دی ۔ جس کے نتیجے میں کار ڈرائیور عبدالحکیم ولد سمیع اللہ ساکن مستونگ نامی شخص موقع پر ھلاک ہوگیا ۔ جبکہ مزدا ڈرائیور موقع سے فرار ہوگیا ، نعش ٹیچنگ ہسپتال تربت منتقل کردی گیا، جہاں ضروری کاروائی کے بعد میت ورثاءکے حوالے کردی گئی ۔
دریں اثناء ڈیرہ اللہ یار میں نوجوان نے خود کو گولی مار کر خودکشی کر لی ہے۔
خودکشی کرنے والے نوجوان کی شناخت عارف رند کے نام سے ہوا ہے۔پولیس کے مطابق نوجوان نے گھریلو ناچاقی کی بنا پر اپنی زندگی کا خاتمہ کردیا ہے۔
تاہم مزید تفتیش پولیس کررہی ہے۔
