بلوچستان کے ساحلی شہر گوادر کی تحصیل پسنی کے علاقے نلینٹ میں دو افراد کی لاشیں برآمد ہوئی ہیں۔
پولیس ذرائع کے مطابق دونوں لاشوں پر گولیوں کے نشانات پائے گئے ہیں۔
ذرائع کے مطابق لاشوں کی شناخت ایک سال قبل جبری لاپتہ ہونے والے افراد، اجمل اور سید شاہو، کے ناموں سے ہوئی ہے۔ تفصیلات کے مطابق ایک لاش اجمل ولد یاسین، ساکن تربت، کی ہے جنہیں گزشتہ سال اگست میں گوادر سے پاکستانی فورسز نے جبری طور پر لاپتہ کیا تھا۔ جبکہ دوسری لاش سیدی ولد شاہو، سکنہ جیونی پانوان، کی ہے جو تین مرتبہ جبری گمشدگی کا شکار ہو چکے تھے اور آخری بار گزشتہ سال ستمبر میں لاپتہ ہوئے تھے۔
پولیس نے لاشوں کو تحویل میں لے کر ہسپتال منتقل کر دیا ہے جبکہ واقعے کی مزید تحقیقات جاری ہیں۔
بلوچستان میں جبری گمشدگیوں اور ماورائے عدالت ہلاکتوں کے حوالے سے انسانی حقوق کی تنظیمیں طویل عرصے سے تشویش کا اظہار کرتی رہی ہیں۔
