بلوچستان کے ضلع آواران میں پاکستانی فورسز کی جانب سے فائر کیے گئے مارٹر گولے مقامی آبادی پر گرنے کے نتیجے میں خواتین اور بچوں سمیت کم از کم سات افراد زخمی ہو گئے۔
تفصیلات کے مطابق گزشتہ روز آواران کے مختلف علاقوں میں فورسز کی جانب سے متعدد مارٹر گولے داغے گئے، جو رہائشی گھروں پر آ گرے جس سے سات افراد زخمی ہوئے جبکہ زخمیوں کو مقامی افراد نے اپنی مدد آپ کے تحت قریبی اسپتال منتقل کیا۔ اسپتال ذرائع کے مطابق چند زخمیوں کی حالت تشویشناک ہے۔
مقامی ذرائع کا کہنا ہے کہ یہ پہلا واقعہ نہیں، اس سے قبل بھی آواران، خضدار اور کیچ کے مختلف علاقوں میں شہری آبادی پاکستانی فورسز کی جانب سے فائر کیے گئے مارٹر گولوں کی زد میں آتی رہی ہے۔
