ڈیرہ اسماعیل خان کے علاقے درازندہ میں بھی ایک واقعہ پیش آیا جہاں نامعلوم مسلح افراد نے سیکیورٹی فورسز کی ایک گاڑی کو ریموٹ کنٹرول بم دھماکے کا نشانہ بنایا ـ جس میں تین ایف سی اہلکار ھلاک و زخمی ہوگئے۔
علاوہ ازیں خیبر پختونخواہ کے علاقے باڑہ میں کوھی بازار میں نامعلوم افراد نے پولیس چیک پوسٹ پر حملہ کردیا ـ حملے میں دو پولیس اہلکار زخمی ہوگئے ہیں۔زخمیوں میں حولدار شیر زادہ خان اور کانسٹیبل نور ولی شامل ہے۔ حملہ آوروں نے پولیس چوکی انچارج عبدالسلام خان کی گاڑی کو بھی آگ لگا دی۔
ادھر کنڑ باجوڑ سرحد پر افغان طالبان کے سرحدی محافظوں اور پاکستانی فورسز کے درمیان ہلکے اور بھاری ہتھیاروں سے فائرنگ کا تبادلہ تا حال جاری ہے۔
دونوں ممالک کے درمیان جھڑپ اس وقت شروع ہوئی جب پاکستان کیجانب سے سرحد پر باڑ کی مرمت جاری تھی ۔
تاحال کسی بھی قسم کی جانی نقصان کی اطلاع موصول نہیں ہوئی ہے اور فائرنگ کا تبادلہ وقفے وقفے سے جاری ہے۔
دریں اثناء شمالی وزیرستان کے علاقے میر علی میں فائرنگ،4 افراد ھلاک ،ملزمان فرار ہونے میں کامیاب ـ
پولیس حکام کے مطابق شمالی وزیرستان کے علاقے میں نامعلوم افراد کی فائرنگ سے چار افراد ھلاک ہوگئے ہیں ، جبکہ واقعے کے بعد ملزمان فرارہو گئے جن کی تلاش کی کوششیں جاری ہیں۔
پولیس کے مطابق ھلاک افراد کی نعشیں میر علی ہسپتال منتقل کر دی گئی ہیں۔
