تربت میں بلوچ یکجہتی کمیٹی (بی وائی سی) کی جانب سے اعلان کردہ احتجاجی ریلی کو پولیس اور سیکیورٹی فورسز نے آگے بڑھنے سے روک دیا۔
مقامی ذرائع کے مطابق جمعرات کی شام بی وائی سی کی کال پر چند خواتین اور بچوں نے مرکزی فدا چوک کی جانب مارچ کرتے ہوئے احتجاج کی کوشش کی، تاہم پولیس اور سیکیورٹی اہلکاروں نے انہیں منتشر کر دیا، جس کے باعث ریلی آگے نہ بڑھ سکی۔
اس دوران بعض خواتین کو حراست میں لیے جانے کی غیر مصدقہ اطلاعات بھی سامنے آئی ہیں، تاہم پولیس یا ضلعی انتظامیہ نے تاحال ان دعوؤں کی باضابطہ تصدیق یا تردید نہیں کی۔
بی وائی سی نے اپنی مرکزی قیادت کے خلاف عدالتی فیصلے کے خلاف جمعرات کی شام تربت میں احتجاجی ریلی نکالنے کا اعلان کیا تھا۔
