بلوچستان کے ساحلی علاقے اورماڑہ کے ہڈ گوٹھ میں آسمانی بجلی گرنے کے باعث ایک واقعہ پیش آیا، جس کے نتیجے میں ایک خاتون ہلاک جبکہ ایک شخص زخمی ہو گیا۔
مقامی ذرائع کے مطابق واقعہ اس وقت پیش آیا جب علاقے میں خراب موسم کے دوران اچانک آسمانی بجلی گری، جس کی زد میں آ کر خاتون موقع پر ہی دم توڑ گئیں۔ واقعے میں لیاقت نامی شخص بھی زخمی ہوا، جسے فوری طور پر طبی امداد کے لیے قریبی اسپتال منتقل کر دیا گیا۔
ذرائع کے مطابق زخمی کی حالت کے حوالے سے مزید تفصیلات تاحال سامنے نہیں آ سکیں۔
ماہرین کے مطابق خراب موسم اور گرج چمک کے دوران کھلے مقامات پر موجودگی خطرناک ثابت ہو سکتی ہے، لہٰذا شہریوں کو احتیاطی تدابیر اختیار کرنے کی ہدایت کی گئی ہے۔
